صينيه توست بالكيري

صينيه توست بالكيري روعه لضيوفك
السلام عليكم ورحمة الله وبركاته ......

وش اخباركم ؟؟ عسااكمـ الا بخير ...


اولا : المقادير



صحن دجاج مفيووح ( مسلــوق ) و بعدين نفتفته
3 طماطات مقطعه صغـاار
2 فلفل رومي (( فليفله الكباار )) انا حطيت احمر و اخضر وانتو بكيفكم
جزر حسب الرغبه
بصله مقطعه
ثوم مدقوقـ
ملعقه طماطم صلصه
كيس توست [ روتي سليس ]

البهـارات :
قطعه ماجي حسب الرغبه ( دجاج او خضره )
كزبره
فلفل اسود

و اضافه عليهم بعد ..
كأس ماء
فطــر مقطع


مقادير الصلصه


1 قيمر ( قشطه )
بيضه
4 حبات جبن كيري

ملاحظـه :[[ انا حسيتهم شووي حطيت 2 قيمر و 6 حبات جبن كيري
و صـار مضبووط ]]

وبعدين نحط مقادير الصلصه في كاس الخلاط
وخلوه علـى جنب لين مانستعمله


....


الطريقه



في شويه زيتـ نحط البصل مع الثوم و نخليه يتحمر
و بعدين نظيف عليه جميييييع المقادير ماعدا مقادير الصلصه والتسوست خلوهم بعييد
و نحمسه شووي و بعدين نغطيه بروحه يستوي




نجيب بايركس زجـااج
و 1 كيس سندويش سليس (( توست ))



و نحط شويه من الصلصله في القااع (( في البايركس من تحت )) علشان
يتلصق التوست


و نصف التوست فوقهـ
و بعدين نحط خلطه الدجاج و نصب شووي من الصلصه و فوقه نرد نصف توست و في الاخير الصلصه بطبقه متينه


و ندخله الفرن .. خلوه مبطل من فوق و تحت يعني حراره من الصوبين
اممم خلووه شووي على مايتحمر
انا احترقت شووي الطبقه من فوق غفلت عنه لانه
و شلت القشر المحرووق

وبالهنا والعافيه
للامااااااااااااااااانه منقوووووووووووووووول